III კლასი

ჩვენი სკოლის სასწავლო პროგრამის თანახმად, რუსული ენის შესწავლა მესამე წლიდან იწყება. საწყის ეტაპზე რუსული ენის სწავლების მიზანია მოსწავლის ინტერესისა და მოტივაციის  სტიმულირება.

ძირითადი მიმართულება:  ზეპირმეტყველება – მოსმენა, მეტყველება.

მესამე კლასის პროგრამის დასრულების შემდეგ  მოსწავლეს შეუძლია ლექსების, გამოცანების, გათვლების ზეპირად წაკითხვა. მარტივი დიალოგების, სიმულაციური სიტუაციების გათამაშება, საკლასო ინტერაქციაში მონაწილეობა, ბეჭდური ხელნაწერი ასოების  განსხვავება,  ასოების  გამოწერა  მოცემული  მაგალითის  მიხედვით.


IV კლასი

მეოთხე კლასში რუსული ენის სწავლების მიზანია: მოსწავლის ინტერესისა და მოტივაციის გაღრმავება.
მეოთხე კლასის პროგრამის დასრულების შემდეგ მოსწავლეს შეუძლია ლექსების, ანდაზების, გამოცანების, ზღაპრების ზეპირად კითხვა რუსული ენისათვის დამახასიათებელი ინტონაციისა და გამოთქმის დაცვით; ადაპტირებული ტექსტების დამარცვლით წაკითხვა; ხელის სწორი მიამრთულებით, გადაბმის წესების დაცვით 3–4 სიტყვიანი წინადადებების გადაწერა; საკლასო ინტერაქციაში მონაწილეობა, როლური თამაშების, დიალოგების, სიმულაციური სიტუაციების ინსცენირება; რუსულ ენაზე მარტივი კომუნიკაციის დამყარება.


V კლასი

მეხუთე კლასში რუსული ენის სწავლების მიზანია მესამე და მეოთხე კლასებში მიღებული ზეპირი და წერითი უნარ–ჩვევების განმტკიცება და მოტივაციის გაძლიერება.

ამ წლის სასწავლო პროგრამის დასრულების შემდეგ მოსწავლეები ფლობენ ხმამაღალი კითხვის ტექნიკას; იგებენ თხრობითი ხასიათის ტექსტს, ახარისხებენ მიღებულ ინფორმაციას; ამოიცნობენ საკომუნიკაციო სიტუაციებს; მონაწილეობენ საკლასო ინტერაქციაში; ხელის სწორი მიმართულებით ბეჭდური წყაროდან იწერენ  მიკროტექსტებს; ავსებენ მარტივ ანკეტას; შეუძლიათ გრძნობების გამოხატვა; ცხოველის, საგნის, ადამიანის აღწერა და დახასიათება; ინფორმაციის გაცვლა პირადი მონაცემების, საქმიანობის,  ეროვნების,  ჯანმრთელობისა  და  ამინდის  შესახებ.


VI კლასი

 მეექვსე კლასში რუსული ენის სწავლების მიზანია: მოსწავლის ინტერესისა და მოტივაციის მომზადება საბაზო საფეხურისთვის; ლექსიკური მარაგის გამდიდრება და ახალი ლექსიკის აქტივაცია.

მეექვსე კლასში მოსწავლეები კითხულობენ ადაპტირებულ, თხრობითი ხასიათის ტექსტებს, გამოაქვთ აზრი;  გამოხატავენ ემოციებს: ფლობენ  გაცნობითი და შესწავლითი კითხვის სტრატეგიებს; შეუძლიათ მოკლე ტექსტის შინაარსის ზეპირი გადმოცემა; მოკლე კარნახის  წერა.

მეექვსე კლასიდან მოსწავლეები ეცნობიან რუსული საბავშვო მხატვრული ლიტერატურის ნიმუშებს ორიგინალში, აფასებენ სხვადასხვა ლიტერატურული პერსონაჟის  ქმედებას.