2015-chessწმინდა გიორგის სახელობის ბრიტანულ ქართულ სკოლაში ჩატარდა ინდივიდუალური და გუნდური საჭადრაკო ოლიმპიადა, სადაც ტრადიციულად წარმატებით იასპარეზეს ჩვენი სკოლის მოსწავლეებმა.
ინდივიდუალური ჩათვლის მეხუთე კლასელ გოგონათა კატეგორიაში I ადგილი და ოქროს მედალი დაისაკუთრა მეოთხე კლასელმა ელენე კოსტავამ, მეორე ადგილი და ვერცხლის მედალი წილად ხვდა აგრეთვე მეოთხე კლასელ ქეთევან ბახტაძეს, ხოლო მესამე კლასელ გოგონათა კატეგორიაში ვერცხლის მედალი მოიპოვა ნინო იოსელიანმა.
გუნდურ ჩათვლაში II ადგილზე გავიდა ჩვენი სკოლის I გუნდი, რომელიც შემდეგნაირად იყო დაკომპლექტებული : თაზო შენგელია, ვლადიმერ ჯორბენაძე და ქეთევან ბახტაძე. III საპრიზო ადგილი დაიკავა ჩვენი სკოლის II გუნდმა , რომელიც შემდეგნაირად იყო დაკომპლექტებული : დავით დოლიძე , ნიკოლოზ ცინცაძე და სოფი ასათიანი. მათ გადაეცათ მედლები და დიპლომები.
ვულოცავთ გამარჯვებულებს და ვუსურვებთ წარმატებებს.

კომენტარები