I კლასში მოსწავლეები ი. გოგებაშვილის მეთოდის მიხედვით შედგენილი  სახელმძღვანელოთი  ეუფლებიან წერა–კითხვას, რაც წერა–კითხვის ერთდროულად შესწავლას გულისხმობს. მასწავლებლები იყენებენ კომბინირებულ მეთოდს ანბანის სწავლებისას. კომბინირებული მეთოდით სწავლების ინსტრუმენტებია მრავალფეროვანი სტრატეგიები და  ხერხები. ასეთი მიდგომა განაპირობებს  წერა–კითხვის სწრაფად და  ეფექტურად შესწავლისთვის შესაბამისი უნარების გამომუშავებას. წლის ბოლოს მოსწავლემ უნდა შეძლოს ასო–ასო, დამარცვლით ან მთლიანი სიტყვებით კითხვა; კარნახით წერა; უშეცდომოდ გადაწერა წიგნიდან ან დაფიდან;  აზრის გადმოცემა მარტივი  ფრაზებით.