დაწყებითი სკოლა – I, II, III, IV, V, VI კლასები

დაწყებითი სკოლის მიზანია  ინტელექტუალური, სულიერი და ფიზიკური თვისებებისა და მიდრეკილებების გამოსავლენად და გასავითარებლად მოსწავლეს შეუქმნას შესაბამისი პირობები, ჩამოუყალიბოს და განუვითაროს:

• სწავლისათვის საჭირო საფუძვლები მომდევნო, საბაზო საფეხურისთვის;
• კრიტიკული აზროვნების, არგუმენტირებული მსჯელობის, პრობლემის აღმოჩენისა და მისი გადაწყვეტის გზების მოძიების უნარი;
• საკუთარი წარმატებისა თუ წარუმატებლობის მიზეზების გაანალიზების უნარი.
• ზოგადი საკომუნიკაციო უნარ–ჩვევები: წერა, კითხვა, მეტყველება, მოსმენა;
• თანამშრომლობისა და ურთიერთპატივისცემის უნარ–ჩვევები;

დაწყებითი სკოლის სტრუქტურა

საგნობრივი  პროგრამები>>><<< ფსიქოლოგიური სამსახური >>><<<სადამრიგებლო  პროგრამა —————————————– ეროვნული სასწავლო გეგმით გათვალისწინებული საგნები; —————————————– დამატებითი საგნები; —————————————- დაწყებითი საფეხურის I-IV კლასებში გამოყენებულია მოსწავლეთა შეფასების სხვადასხვა ფორმები: ზეპირი და წერილობითი კომენტარი  (განმავითარებელი შეფასება)– გამოიყენება მოსწავლის განვითარების ხელშეწყობისთვის, სწავლის ხარისხის გასაუმჯობესებლად. სასწავლო წლის  განმავლობაში მოსწავლეები ფასდებიან ზეპირი და წერილობითი კომენტარებით. შეფასების სქემები– ყოველი სემესტრის ბოლოს მშობელს მიეწოდება შეფასების სქემა, რომელიც შედგენილია ეროვნული სასწავლო გეგმის საგნობრივი სტანდარტების მიხედვით და ასახავს მოსწავლის მიღწევის დონეს ეროვნული სასწავლო გეგმით განსაზღვრულ მიზნებთან მიმართებაში.

პორტფოლიო – შეიცავს მოსწავლის მიერ შესრულებულ საშინაო, საკლასო და შემაჯამებელ ნამუშევრებს.

V-VI  კლასებში  მოსწავლეები ფასდებიან ნიშნებით.

სადამრიგებლო პროგრამა

სკოლაში სასწავლო და აღმზრდელობითი პროცესის ორგანიზებულად მართვის  საქმეში კლასის დამრიგებელს უმნიშვნელოვანესი როლი აკისრია. დამრიგებელი, საგნის მასწავლებელსა და ფსიქოლოგთან ერთად, დაწყებითი საფეხურის მოსწავლეს ეხმარება სასკოლო გარემოსთან ადაპტაციაში, უყალიბებს სასწავლო ჩვევებს, თანამშრომლობისა და კომუნიკაციის უნარს, ქცევის წესებს. სადამრიგებლო პროგრამის განხორციელების, მასწავლებელსა და მშობელს შორის ეფექტური კომუნიკაციისთვის სკოლაში შემუშავდა მოსწავლის დღიური. მოსწავლის დღიური დაწყებითი საფეხურის მოსწავლეებს წლის დასაწყისში გადაეცემათ. დღიური დამრიგებელსა და საგნის პედაგოგებს მშობლებთან მიმდინარე ინფორმაციის გაცვლის საშუალებას აძლევს.   [subpages]