|
ბიბლიოთეკის დებულება
ზოგადი ნაწილი
დებულება შედგენილია მოქმედი კანონმდებლობისა და სკოლის შინაგანაწესის საფუძველზე და განსაზღვრავს:
- ბიბლიოთეკის სტრუქტურას;
- პროცედურებს;
- კომპეტენცია/უფლებამოსილებებს.
სტრუქტურა
- ბიბლიოთეკა სკოლის სასწავლო დეპარტამენტის სტრუქტურულ ერთეულს წარმოადგენს.
- საბიბლოითეკო ფონდი აერთიანებს სკოლის კუთვნილ წიგნად ფონდს და აუდიო–ვიზუალურ მასალას.
- ბიბლიოთეკის საქმიანობას წარმართავს დირექტორის მიერ დანიშნული ბიბლიოთეკარი.
პროცედურები
- ბიბლიოთეკაში გაწევრიანება ნებადართულია მხოლოდ სკოლის მასწავლებლების, თანამშრომლებისა და მოსწავლეებისთვის.
- ბიბლიოთეკით სარგებლობის უფლება ასევე, ეძლევათ სკოლისათვის სასარგებლო საქმიანობით დაკავებულ პირებს, დირექტორის შესაბამისი რეკომენდაციით.
- სამუშაო საათები განისაზღვრება სასწავლო წლის დასაწყისში და გამოკრულია ბიბლიოთეკის შესასვლელთან.
- ბიბლიოთეკის ფონდიდან შეიძლება ერთდროულად, არაუმეტეს სამი საბიბლიოთეკო ერთეულის გატანა.
- საბიბლიოთეკო ერთეულით სარგებლობის ვადა გატანიდან:
ü მხატვრული ლიტერატურისთვის – 4 კვირა;
ü არამხატვრული ლიტერატურისთვის – 3 კვირა.
- გატანილი ერთეული უნდა დაბრუნდეს სარგებლობის ვადის ბოლო დღეს.
- გატანილი საბიბლიოთეკო ერთეულით სარგებლობის ვადა შეიძლება გაგრძელდეს, თუკი გატანის ვადის ამოწურვის დროისთვის არ არის კონკრეტულ ერთეულზე მოთხოვნა.
- გარკვეული საბიბლიოთეკო ერთეულების გატანა შესაძლოა შეიზღუდოს ბიბლიოთეკარის და/ან მასწავლებლების გადაწყვეტილებით.
- დაბრუნებული საბიბლიოთეკო ერთეულის ჩაბარება/გაფორმება უნდა მოხდეს ბიბლიოთეკართან.
10. იმ შემთხვევაში, თუ არ მოხდა საბიბლიოთეკო ერთეულის დროულად ჩაბარება/გაფორმება, პირი დაჯარიმდება ერთი ლარით ყოველ გადაცილებულ დღეზე.
11. ბიბლიოთეკის კუთვნილი ქონების დაზიანება/დაკარგვის შემთხვევაში, წევრების ზარალი ანაზღაურდება სამჯერადი საფასურით.
12. ბიბლიოთეკაში მყოფი პირები ვალდებულნი არიან დაემორჩილონ ბიბლიოთეკარის მოთხოვნებს, ბიბლიოთეკაში ქცევის წესებთან დაკავშირებით.
13. ბიბლიოთეკაში სასტიკად აკრძალულია:
ხმამაღალი საუბარი;
მობილური ტელეფონით სარგებლობა;
საჭმლის/სასმელის შეტანა;
ელექტრონული/მუსიკალური აპარატების გამოყენება;
კომპიუტერული თამაშები;
არასასკოლო მასალების ამობეჭდვა/გამრავლება.
14. აღნიშნული პუნქტების დარღვევის შემთხვევაში, ბიბლიოთეკარი უფლებამოსილია იშუამდგომლოს სკოლის ადმინისტრაციასთან პირისთვის ბიბლიოთეკით სარგებლობის უფლების ჩამორთმევის თაობაზე.
კომპეტენცია და უფლებამოსილებები
- სკოლის წიგნადი ფონდის, პერიოდიკის და აუდიო–ვიზუალური მასალის აღრიცხვა.
- ინდივიდუალური წიგნის და ჯამობრივი აღრიცხვის ჟურნალების წარმოება.
- მკითხველთა ფორმულიარების და სტატისტიკის ჟურნალის წარმოება.
- საბიბლიოთეკო ფონდის სისტემატიზაცია ათწილადი კლასიფიკაციის მიხედვით.
- საკატალოგო მეურნეობის წარმოება.
- სკოლისთვის საჭირო წიგნადი ფონდის, პერიოდიკის და აუდიო–ვიზუალური მასალის მოძიება/შეძენა.
- კვალიფიციური კონსულტაცია საბიბლიოთეკო ფონდიდან შესაბამისი მასალის მოძიება/შერჩევასთან დაკავშირებით.
- არსებული საბიბლიოთეკო ფონდის პროპაგანდა (პრეზენტაციების/გამოფენების/ღონისძიებების დაგეგმვა/ჩატარება).
- სკოლის ელექტრონული ბიბლიოთეკის კონცეფციის შემუშავებაში მონაწილეობა.
- ბიბლიოთეკარი პასუხისმგებელია ბიბლიოთეკის კუთვნილ ქონებაზე.
- ასრულებს დირექტორის ბრძანებებს, მითითებებსა და დავალებებს, თავისი კომპეტენციის ფარგლებში.
|
