გეოგრაფია

X კლასი

მსოფლიოს  ქვეყნები

მსოფლიოს ქვეყნების გეოგრაფიის კურსის შესწავლისას მოსწავლეებს საშუალება ეძლევა გაეცნონ თანამედროვე პოლიტიკური რუკის ჩამოყალიბების სხვადასხვა ეტაპებს, შეისწავლიან მსოფლიო მოსახლეობის ძირითად პრობლემებს, გაეცნობიან საერთაშორისო ორგანიზაციებს, მ.შ. გაეროს, ევროკავშირს, ნატოს და  ა.შ.  მნიშვნელოვანი ყურადღება დაეთმობა მსოფლიოს რეგიონებს და ამ რეგიონების წამყვანი ქვეყნების  შესწავლას; ყურადღება გამახვილდება ამ ქვეყნების გეოგრაფიაზე, მოსახლეობაზე, სახელმწიფო წყობილებაზე, ეკონომიკაზე და რაიონებზე. განსაკუთრებული ყურადღება გამახვილდება დიდი რვიანის ქვეყნების როლზე თანამედროვე გლობალურ სამყაროში. მოსწავლეებს საშუალება ექნებათ ინტერნეტით მოიძიონ მათთვის საინტერესო საკითხები და მოაწყონ პრეზენტაციები. გლობალური პრობლემების ნუსხიდან გამოარჩევენ გარკვეული ქვეყნისათვის აქტუალურ პრობლემებს, განსაზღვრავენ მათ ტრანსფორმაციას სივრცესა და დროში, შექმნიან პრობლემების მიმდინარეობის ამსახველ სქემას. გაკვეთილებზე მნიშვნელოვანი ყურადღება დაეთმობა აუდიო და ვიდეო ტექნიკის გამოყენებას. გაკვეთილები წარიმართება  თანამედროვე მეთოდების გამოყენებით.

წლის მანძილზე მოსწავლეთა საერთო ცოდნის შემოწმების მიზნით ჩატარდება ოთხი  წერითი  სამუშაო:  ორი  პირველ  სემესტრში  და ორი მეორე სემესტრში.


XI კლასი

მეთერთმეტე კლასის გეოგრაფიის კურსი – გლობალური გეოგრაფია მოსწავლეებს საშუალებას მისცემს გაეცნონ თანამედროვე გლობალურ სივრცეში მიმდინარე უმნიშვნელოვანეს გლობალურ პრობლემებს. ისინი შეისწავლიან გლობალიზაციის და გლობალური პრობლემების თავისებურებებს. გაეცნობიან მსოფლიოში მიმდინარე უმნიშვნელოვანეს პოლიტიკურ მოვლენებს, როგორიცაა ტერორიზმი, განიარაღება, კომფლიქტები და ა.შ. მოსწავლეები გაეცნობიან გლობალურ სივრცეში მსოფლიო მოსახლეობის ისეთ პრობლემებს როგორც არის ურბანიზაცია , დემოგრაფიული ოპტიმუმი , დინამიკა, კულტურის გლობალიზაცია და ა.შ. სწავლის პროცესში მნიშვნელოვანი ყურადღება დაეთმობა გლობალურ სამყაროში ეკონომიკური განვითარების თავისებურებებს და თანამედროვე მიმდინარე პროცესებს. მოსწავლეები შეისწავლიან მნიშვნელოვან ეკოლოგიურ პრობლემებს, მაგალითად : ატმოსფეროსა და ოკეანის პრობლემებს, სტიქიურ და ტექნოგენურ კატასტროფებს და ა.შ. გაკვეთილებზე განსაკუთრებული ყურადღება გამახვილდება სხვადასხვა სახის პრობლემების განსაზღვრაზე მათ ანალიზზე , გააზრებაზე , გეოგრაფიული საშუალებებისა და ინფორმაციის მოპოვებასა და გამოყენებაზე. ყურადღება დაეთმობა ასევე საკუთარი მოსაზრებების გამოხატვას, კითხვების დასმას, გარკვეული მოვლენებისა და პროცესების შეფასებას ასევე რუკების დიაგრამების სურათების და სხვადასხვა სახის საინფორმაციო მასალებზე მუშაობას .გაკვეთილები ჩატარდება თანამედროვე ტექნოლოგიების გამოყენებით. (ინტერნეტი, ვიდეო, სურათები). წლის განმავლობაში მოსწავლეები დაწერენ 4 შემაჯამებელ ტესტს  (პირველი სემესტრი -2 შემაჯამებელი, მეორე სემესტრი – 2 შემაჯამებელი)