ფსიქოლოგის საათი

psixologiaთანამედროვე ცხოვრების ტემპისა და ინფორმაციის მოცულობის ზრდა, საზოგადოებაში მიმდინარე კრიზისული მოვლენები, ართულებს ბავშვის ურთიერთობებს თანატოლებთან, მშობლებთან და პედაგოგებთან.

ჩვენი სურვილი იყო შეგვექმნა სკოლა, სადაც შესაძლებელი იქნებოდა სასკოლო ასაკის პერიოდში მიმდინარე პროცესების სრულყოფილი განვითარების უზრუნველყოფა. ვთვლით, რომ სოციუმის ყველაზე ფაქიზ ნაწილს, ბავშვებს, განსაკუთრებით ესაჭიროებათ ფსიქოლოგიური დახმარება, რაც სკოლაში ფსიქოლოგიური სამსახურის არსებობის აუცელობლობას განაპირობებს.

სკოლის პერიოდში ადგილი აქვს ბავშვის მკვეთრ ფსიქოფიზიკურ ზრდას, რაც ხშირად, სხვადასხვა სახის კრიზისით ვლინდება: სიძნელეები სწავლაში, ურთიერთობებში, რაც თავის მხრივ, აბრკოლებს სასწავლო პროცესის წარმატებით მიმდინარეობას.

სკოლის ფსიქოლოგები პედაგოგებთან ერთად, ვეხმარებით მოსწავლეებს აღნიშნული პრობლემების დაძლევაში, სწავლის მოტივაციის ამაღლებაში, სწორი ურთიერთობების ძიებაში, სწავლისადმი პოზიტიური დამოკიდებულების ჩამოყალიბებაში.

ჩვენი სამსახურის მიზანია მოსწავლეებს ვასწავლოთ პრობლემების მოგვარება, ერთმანეთის მოსმენა, სხვისი აზრის პატივისცემა, გარშემომყოფების თანაგრძნობა, სოციალური ნორმების და წესების დაცვა, რათა ხელი შევუწყოთ მათ საზოგადოების სრულყოფილ წევრებად ჩამოყალიბებაში.

ჩვენი სკოლის სამსახურის მთავარი ამოცანებია:

– სკოლაში ადაპტაცია.
– მოსწავლეთა სრულყოფილი პიროვნული განვითარების ხელშეწყობა.
– მოსწავლეთა ფსიქოლოგიური კვლევა სწავლების პერიოდში.
– სწავლის პროცესის შეფერხების პრევენცია.

ჩვენი ძირითადი მიმართულებებია:

– დიაგნოსტიკა

– პრევენცია

– კონსულტაცია

 

ჩვენი რჩევები:

prg-download

სასკოლო ადაპტაციის  პრობლემები

7 წლის ასაკის კრიზისი

გარდამავალი ასაკის სირთულეები

ფსიქოლოგის საათი