VII კლასი

მეშვიდე კლასის  გეოგრაფიის კურსის შესწავლისას მოსწავლე გაეცნობა ზოგად მონაცემებს ჩვენი პლანეტის შესახებ,  ასევე  შეისწავლის რუკას და გეგმას, მათ უმნიშვნელოვანეს კომპონენტებს. მოსწავლეები შეისწავლიან გეოგრაფიული გარსის შემადგენელ ნაწილებს : ლითოსფეროს , ჰიდროსფეროს, ატმოსფეროს და ბიოსფეროს. გაეცნობიან ბუნებრივ გარემოსთან ადამიანის ურთიერთობების თავისებურებებს, მსოფლიო მოსახლეობას. ლითოსფეროს შესწავლისას ყურადღება გამახვილდება დედამიწის ამგებ ქანებზე რელიეფსა და რელიეფწარმომქმნელ ფაქტორებზე, გარეგან და შინაგან ძალებზე რომლბიც გავლენას ახდენენ რელიეფის განვითარებაზე. ატმოსფეროს შესწავლისას ყურადღება მიექცევა ატმოსფეროს აგებულებას, ატმოსფეროს წნევას ჰაერის ტემპერატურას, ქარებს ნალექების განაწლიებას და ა.შ. ჰიდროსფეროს შესწავლისას ისინი შეისწავლიან მსოფლიო ოკეანეს და მის შემადგენელ ნაწილებს. მის ფსკერს წყლის თვისებებს და ა.შ. მნიშვნელოვანი ყურადღება დაეთმობა ასევე ხმელეთის ჰიდროგრაფიის შესწავლას – მდინარეებს , ტბებს, მყინვარებს. მოსწავლეები შეისწავლიან ბუნებრივ ზონებს მათი გავრცელების თავისებურებებს. გაკვეთილები ჩატარდება თანამედროვე ტექნოლოგიების გამოყენებით. (ინტერნეტი, ვიდეო, სურათები). წლის განმავლობაში მოსწავლეები დაწერენ 4 შემაჯამებელ ტესტს  (პირველი სემესტრი -2 შემაჯამებელი, მეორე სემესტრი – 2 შემაჯამებელი)


VIII კლასი

მერვე კლასში მოსწავლეები გეოგრაფიული კურსის შესწავლისას გაეცნობიან და შეისწავლიან კონტინენტების როგორც ფიზიკურ ასევე ეკონომიკურ და პოლიტიკურ გეოგრაფიას. მსოფლიო მოსახლეობის განვითარების თანამედროვე პრობლემებს, მიგრაციების გეოგრაფიას. განსაკუთრებული ყურადღება დაეთმობა ქალაქების შესწავლას, ურბანიზაციის პრობლემებს აგრომერაციებსა და მეგალოპილისებს. განიხილება თანამედროვე ქალაქების განვითარების თავისებურება. სასწავლო წლის მანძილზე მნიშვნელოვანი ყურადღება დაეთმობა მსოფლიო ეკონომიკის წამყვანი დარგების  სტრუქტურასა და განვითარების სიახლეებს. შეისწავლიან მსოფლიო ეკონომიკის ისეთი დარგების გეოგრაფიას როგორიცაა სათბობენერგეტიკული სოფლის მეურნეობა მომსახურების სფერო და ა.შ. მნიშვნელოვანი ყურადღება დაეთმობა კავკასიის რეგიონის შესწავლას. გაეცნობიან  კავკასიის როგორც ბუნებას ასევე მოსახლეობას ქალაქებს ეკონომიკას და რეგიონში მიმდინარე პოლიტიკურ პრობლემებს. გაკვეთილები წარიმართება საგაგვეთილო პროცესის სხვადასხვა ტიპის თანამედროვე მეთოდებით. (ინტერნეტი, ვიდეო, სურათები). წლის განმავლობაში მოსწავლეები დაწერენ 4 შემაჯამებელ ტესტს  (პირველი სემესტრი -2 შემაჯამებელი, მეორე სემესტრი – 2 შემაჯამებელი)


IX  კლასი

მეცხრე კლასში მოსწავლეები სწავლობენ მშობლიური ქვეყნის გეოგრაფიას. ამ კურსის შესწავლისას ისინი უკეთ გაეცნობიან ჩვენი ქვეყნის უნიკალურ გეოგრაფიულ მდებარეობას და მის ბუნებას. შეისწავლიან საქართველოს რელიეფს , კლიმატს, ჰიდროლოგიურ ქსელს, ნიადაგებს, ფლორას და ფაუნას. გაეცნობიან ბუნების დაცვის ღონისძიებებს და საქართველოს დაცულ ტერიტორიებს. მოსწავლეები ამ კურსის შესწავლისას შეისწავლიან საქართველოს მოსახლეობას მის დინამიკას , სქესობრივ ასაკობრივ სოციალურ სტრუქტურას, ეროვნულ და რელიგიურ შემადგენლობას სიმჭიდროვეს, ურბანიზაციის განვითარების თავისებურებებს. მოსწავლეებს საშუალება ექნებათ შეისწავლოთ საქართველოს ეკონომიკური მდგომარეობა, შეაფასონ თავისი სამშობლოს როლი და ადგილი თანამედროვე გლობალურ სამყაროში. სწავლისას ყურადღება გამახვილდება მეურნეობის ისეთი დარგების შესწავლაზე როგორიცაა სათბობენერგეტიკული ინდუსტრია და ტურიზმი. კურსის შესწავლის ბოლოს მოსწავლეები გაეცნობიან საქართველოს მხარეებს, თორმეტ ადმინისტრაციულ ტერიტორიულ ერთეულს, ბუნებას , ეკონომიკას და მნიშვნელოვან ღირშესანიშნაობებს. გაკვეთილები ჩატარდება თანამედროვე ტექნოლოგიების გამოყენებით. (ინტერნეტი, ვიდეო, სურათები). წლის განმავლობაში მოსწავლეები დაწერენ 4 შემაჯამებელ ტესტს  (პირველი სემესტრი -2 შემაჯამებელი, მეორე სემესტრი – 2 შემაჯამებელი).