VII კლასი

მოსწავლეები წლის განმავლობაში შეისწავლიან მსოფლიო ხელოვნების უმნიშვნელოვანეს ეტაპებს: პირველყოფილი ადამიანების, შუამდინარეთის, ეგვიპტის, საბერძნეთის და ძველი რომის ხუროთმოძღვრებას, მხატვრობას და ქანდაკებას; შუა საუკუნეების ქრისტიანულ ხუროთმოძღვრებას; რენესანსული კულტურის ძირითად მახასიათებლებს.

მოსწავლეები წლის განმავლობაში დაწერენ 2 შემაჯამებელ ტესტს და 2 მცირე მოცულობის პროექტს.


VIII კლასი

ეს საფეხური მთლიანად ეთმობა  XIX-XX საუკუნეების ხელოვნებას: მიმდინარეობები, სახვითი ხელოვნების დარგები და ჟანრები. გაეცნობიან ცნობილი ხუროთმოძღვრების, მოქანდაკეების და მხატვრების შემოქმედებას. კურსის მიზანია მოსწავლეებმა ერთმანეთისგან გაარჩიონ მხტვრული მიმდინარეობები და ცნობილი ხელოვნების ნიმუშები.

სასწავლო პროცესის ფარგლებში ექნებათ გასვლითი გაკვეთილები ეროვნულ გალერეაში და ქართველი მხატვრების სახლ-მუზეუმებში. მოსწავლეები დაწერენ 2 შემაჯამებელ ტესტს და რამოდენიმე მცირე მოცულობის პროექტს და რეფერატს.


IX კლასი

მოსწავლეები შეისწავლიან ქართული ხელოვნების განვითარების ეტაპებს წინაქრისტიანობიდან დღემდე; უდიდეს არქეოლოგიურ აღმოჩენებს; ბერძნული და რომაული ხელოვნების პერიოდიზაიას და მათ კულტურულ ურთიერთობებს საქართველოსთან; რენესანს და მის წარმომადგენლებს; ბაროკოს და მის წარმომადგენლებს.

მოსწავლეები წლის განმავლობაში დაწერენ 2 შემაჯამებელ ტესტს, 2  პროექტს და 2  რეფერატს.