მათემატიკა

VII კლასი

ამ სასწავლო კურსის მიზანია მოსწავლეებმა შეძლონ   წაკითხვა, გამოსახვა, შედარება და მოქმედებების შესრულება რაციონალურ რიცხვებზე; ერთმანეთთან ზომის სხვადასხვა ერთეულების დაკავშირება; განტოლების შედგენა და ამოცანის ამოხსნა; ალგებრული გამოსახულებების გამარტივება; კოორდინატთა მეთოდის გამოყენება ორიენტაციისთვის; გეომეტრიული ამოცანების ამოხსნა სამკუთხედებთან დაკავშირებით ცნებებისა და ფაქტების გამოყენებით; დასმული ამოცანის ამოსახსნელად საჭირო თვისებრივი და რაოდენობრივი მონაცემების მოპოვება.


VIII კლასი

მერვე კლასის პროგრამის დასრულების შედეგად მოსწავლეებმა უნდა შეძლონ: რიცხვების სტანდარტული ფორმით ჩაწერა და მათი კავშირის განსაზღვრა პოზიციურ სისტემასთან; მთელმაჩვენებლიანი ხარისხის თვისებების განმარტება და გამოყენება; მათემატიკური მოდელის შექმნა; ცვლადიან გამოსახულებებზე მოქმედებების შესრულება; მათი განსაზღვრისა და მნიშვნელობათა არის დადგენა; ამოცანების ამოხსნა ნაშთიანი გაყოფის თვისებების გამოყენებით. ასვე, ინტუიციური წარმოდგენების შემუშავება გეომეტრიული ფიგურებისა და გარდაქმნების შესახებ;  ფესვის ცნების გაზიარება და პითაგორეს თეორემის გამოყენება პრაქტიკული ამოცანების ამოხსნისას; წრფივი ფუნქციის ამოცნობა და შესაბამისი გრაფიკის აგება, ორცვლადიანი განტოლებათა სისტემისა და ცვლადიანი უტოლობის ალგებრული და გრაფიკული მეთოდებით ამოხსნა; უტოლობის ამონახსნთა სიმრავლის შუალედის სახით ჩაწერა, მოვლენათა ალბათობის პროგნოზირება და ლოგიკური მიმართულებების გააზრება.

IX კლასი

მეცხრე კლასის პროგრამა ითვალისწინებს რაციონალური რიცხვების შედარებას, მათ კლასიფიკაციას და მათზე მოქმედებებს; პრობლემის გადაჭრისას დისკრეტული მათემატიკის ელემენტების გამოყენებას; წერტილთა გეომეტრიული ადგილის ცნების ობიექტთა გამოსახვას და მათი თვისებების აღწერას; დასმული ამოცანის ამოსახსნელად მონაცემების მოწესრიგებას და ხელსაყრელი ფორმით წარმოდგენას; მონაცემთა ანალიზსა და დასკვნის ჩამოყალიბებას.