ქიმია

X  კლასი

მოსწავლე შეისწავლის ნივთიერებათა ქიმიურ და ფიზიკურ თვისებებს, კავშირს არაორგანულ ნაერთებს  შორის, მინერალებს, ნარევებს.გაეცნობა პერიოდულ სისტემას, პერიოდულობის კანონს. ატომის აგებულებას, იზოტოპს. ელექტრონების  განაწილებას. ელექტრონულფორმულებს. ექნება წარმოდგენა ქიმიურ რეაქციებზე: წვა, ჟანგვა, კოროზია. გაეცნობა  ბუნებრივ და  ხელოვნურ მასალებს, მათ  თვისებებსდა  გამოყენებას. განიხილავს  ბიოსფეროს,  ლითოსფეროს  და  ატმოსფეროს  შედგენილობას, დამაბინძურებელ ფაქტორებს. ქიმიკატების  როლს  და  მათ  გამოყენებასთან დაკავშირებულ  საფრთხეებს ადამიანის ჯამრთელობისთვის. გაეცნობა   კანონქვემდებარე  ნორმატიულ  აქტებს, რომლებიც არეგულირებს  საკვების  ხარისხს  და პროდუქტებში  ქიმიკატების   შემცველობას.მოსწავლე გაიღრმავებს კვლევის , აღწერის  და  დაკვირვების  უნარჩვევებს. შეძლებს  განჭვრიტოს  და  გამოთქვას  ჰიპოთეზა  გარემოში მიმდინარე ქიმიურ პროცესებზე, რაც ხელს შეუწყობს  მის მიერ  სამყაროს  ადეკვატურ  აღქმას.


XI -კლასი 

მოსწავლე შეისწავლის ატომის  აღნაგობას.  შეძლებს დააკავშიროს ელემენტის  ადგილმდებარეობა  პერიოდულ სისტემაში  მის  აღნაგობასთან.განჭვრიტოს  ნივთიერების თვისებები  ქიმიური ბმის და  ატომის ელექტრონული აღნაგობის  მიხედვით. დაახასიათებს  ჟანგვა აღდგენით  პროცესებს. შეისწავლის ელექტრილიზის მოვლენას და მის როლს ტექნიკასა და მრეწველობაში. განსაზღვრავს  ქიმიური წონასწორობის მიმართულებას. მოიძიებს  ტექნოლოგიური  პროცესების  ოპტიმიზაციის  მიზნით  ქიმიური წონასწორობის  ძირითადი  პრინციპების გამოყენების  მაგალითებს. დაახასიათებს  ქიმიურ  ელემენტებს:წყალბადს, ჰალოგენებს,  ჟანგბადს,  გოგირდს,  აზოტს,  ფოსფორს,ნახშირბადს,  სილიციუმს,  ნატრიუმს,  კალიუმს,  მაგნიუმს,  კალციუმს,  რკინას,  მანგანუმს,  ალუმინს. მათი მნიშვნელოვანი ნაერთების მიღებას და გამოყენებას.მათ ნაერთებს,  იმსჯელებს  მათი  მნიშვნელობის  შესახებ.დაგეგმავს და ჩაატარებს ცდებს მეტალთა აქტიურობის  შესადარებლად.მოსწავლე მიღებული ინფორმაციისა და გამოცდილების საფუძველზე გაიღრმავებს კვლევის, დაკვირვება აღწერის, მონაცემთა ინტერპრეტაციის უნარს.განუვითარდება გარემოსადმი პოზიტიური დამოკიდებულება და გარემოზე პასუხისმგებლობის გრძნობა.