kartuliქართული ენა და ლიტერატურა ძირითადი საგანია, რადგან ის სწავლების ენაა, სხვა საგნების შესწავლის საშუალება.
საგნის სწავლების მიზანია მოსწავლეებს განუვითაროს ზეპირმეტყველების, კითხვისა და წერის უნარები, გამოუმუშაოს ორგანიზებული სწავლის ჩვევები; დაანახოს მოსწავლეებს ამ სამი მიმართულების მთლიანობა, რაც გულისხმობს ზეპირად გამოთქმული იდეის, აზრის, სათქმელის წერაში ასახვას და გააზრებულ კითხვას.
ქართული ენისა და ლიტერატურის სწავლების პროცესი მოსწავლეებში გააზრებული კითხვის უნარის თანდათანობით განვითარებას ემსახურება. გააზრებული კითხვა წიგნიერების საფუძველია და ავითარებს ადამიანში სამყაროს სახეობრივ შემეცნებას და თვითშემეცნებას. ლიტერატურის შესწავლა ხელს უწყობს ეროვნული ენერგიის გაღვივებას, ესთეტიკური ხედვის ჩამოყალიბებას, განსაზღვრავს პიროვნების საერთო კულტურას, იმ ღირებულებებისა და ფასეულობების შეცნობას, რომელსაც ეფუძნება ადამიანის თავისუფალი განვითარების მთელი შემდგომი პროცესი.

ქართული ენისა და ლიტერატურის კათედრას ტრადიციულად დაგეგმილი აქვს რამდენიმე აქტივობა (კალიგრაფიის კონკურსი; შუალედური გამოცდები; თავისუფალი წერა; გამოცდა), რომელთაც ყოველწლიურად ეტაპობრივად ახორციელებს.

კალიგრაფიის კონკურსი ტარდება II-III-IV-Vკლასებში. კონკურსის მიზანია ქართული დამწერლობის და ქართული კალიგრაფიის პოპულარიზაცია, ხელით წერის კულტურის განვითარება და მოსწავლეებში მოტივაციის ამაღლება ლამაზად წერის სურვილის ასამაღლებლად.

შუალედური გამოცდები ტარდება  III – XI კლასებში.  III – IV კლასებში მოსწავლეები წერენ უცხო ტექსტის გააზრებას;   VII – VIII კლასებში წერენ ლიტერატურული და გრამატიკული კომპეტენციის შესამოწმებელ ტესტს;   IX – XI კლასებში –  თხზულებას. სასკოლო წერები III – IV კლასებში ტარდება  I – II სემესტრში, V – X კლასებში მხოლოდ I სემესტრში.

გამოცდა ტარდება V – X კლასებში.  V-VIII კლასებში ზეპირი გამოცდაა.  IX – X კლასებში – თხზულება.

თავისუფალი წერა ტარდება   V- VIII კლასებში II სემესტრის ბოლოს. წერის მიზანია შემოქმედებითი უნარისა და ფანტაზიის განვითარება, მართლწერის პრინციპების დაცვა.

ზაფხულის არდადეგებზე საკითხავი ლიტერატურა (I-IV კლასები): 

სასწავლო წლის ბოლოს თითოეული კლასის მოსწავლეს სკოლა ურიგებს ზაფხულის არდადეგებზე საკითხავ წიგნს.