seminari28 სექტემბერს, 15:30 საათზე, ლამარა მარგველაშვილის სახელობის სკოლა “XXI საუკუნე”-ში, მისამართი: უნივერსიტეტის ქ.7, ცნობილი კანადელი სპიკერის ხელმძღვანელობით გაიმართება სემინარი დასავლური საგანმანათლებლო სისტემის თავისებურებებისა და კანადურ თუ სხვა ბრიტანული სისტემის მქონე უნივერსიტეტებში საბაკალავრო პროგრამებზე ჩარიცხვის წესების შესახებ.

სემინარი განკუთვნილია:

  • მე-9 და მე-10 კლასის მოსწავლეებისთვის, საშუალო ან საშუალოზე მაღალი ინგლისური ენის ცოდნის დონით;
  • მე-11 და მე-12 კლასელთათვის, რომლებიც უკვე ემზადებიან დასავლურ საბაკალავრო პროგრამებზე ჩასარიცხად;
  • მათთვის, ვინც მომავალში კანადურ უნივერსიტეტებში გეგმავს სწავლის გაგრძელებას.

ღონისძიებაზე დასწრება შეუძლიათ მოზარდებს, მათ მშობლებსა და მასწავლებლებს.

სემინარს უხელმძღვანელებს ინა კოგანი – ცნობილი კანადელი სპიკერი, Canschool-ის დამფუძნებელი და დირექტორი, რომელიც ქართველი კურატორის დახმარებით, დეტალურად ისაუბრებს კანადური საშუალო სკოლის პროგრამის შესახებ, თანმიმდევრულად აღწერს საბაკალავრო პროგრამებზე ჩასარიცხად გასავლელ პროცედურებს, წარადგენს საჭირო დოკუმენტების სიასა და მოყვება ვიზის მიღების წესების შესახებ.

ღონისძიების ფარგლებში დეტალურად იქნება აღწერილი Canschool-ის სასწავლო ცენტრის ძირითადი მიმართულებები, კანადელი სპეციალისტების მიერ შემუშავებული სამწლიანი პროგრამის თავისებურებები და OSSD დიპლომის პრიორიტეტები.

სემინარის განმავლობაში, მონაწილეებს შესაძლებლობა ექნებათ, გაესაუბრონ სპიკერს მათთვის მნიშვნელოვან საკითხებზე და დაუსვან კითხვები.

სემინარში მონაწილეობის მისაღებად გთხოვთ დატოვოთ კომენტარი (მიუთითეთ მონაწილეობის მსურველთა რაოდენობა) და გააზიაროთ ეს ჩანაწერი.

დამატებითი ინფორმაციის მისაღებად დაგვიკავშირდით:

(+995) 555 17 18 25

(+995) 599 199 888

[email protected]

კომენტარები