VII კლასი

VII კლასში მოსწავლეები შეისწავლიან საქართველოს და მსოფლიო ისტორიის უმნიშვნელოვანეს მოვლენებს, რომლებიც დაყოფილია შემდეგ მიმართულებებად – დრო და სივრცე, გარემო და ეკონომიკა, სახელმწიფო და მმართველობა, კულტურა და  რელიგია.

კურსის შესწავლის დროს განსაკუთრებული ყურადღება მიექცევა მოსწავლეებში კვლევის უნარის, წერითი და ზეპირი აზროვნების განვითარებას, რაც საბოლოოდ ხელს შეუწყობს მოზარდის მოაზროვნე ადამიანად ჩამოყალიბებას.

წლის განმავლობაში მოსწავლეები დაწერენ 4 შემაჯამებელ ტესტს, შეასრულებენ რამოდენიმე მცირე მოცულობის პროექტს.


VIII  კლასი

VIII კლასში მოსწავლეები შეისწავლიან საქართველოსა და  მსოფლიო ისტორიის მნიშვნელოვან მოვლენებს შემდეგი მიამრთულებების მიხედვით – დამწერლობა, პოლიტიკური  კონფლიქტები ძველ მსოფლიოში, ახლო აღმოსავლეთსა და კავკასიაში, განათლება ძველ დროსა და  შუა საუკუნეებში. პოლიტიკური კონფლიქტები ამერიკასა და რუსეთში. მსოფლიო ომები, პოლიტიკური რეჟიმები, კონფლიქტები  და  მშვიდობიანი  გადაჭრის  მაგალითები.

სასწავლო კურსის განმავლობაში განსაკუთრებული ყურადღება მიექცევა იმას, რომ მოსწავლემ ისტორიული განვითარების პროცსი აღიქვას ერთიან კონტექსტში – გაეცნოს, როგორც ყველა ქვეყნის, ასევე საქართველოს საზოგადოებრივი განვითარების მნიშვნელოვან ეტაპებს.

მოსწავლემ უნდა გაიაზროს პოლიტიკური კონფლიქტების არსი სხვადასხვა ქვეყანაში და  გაანალიზოს მათი მშვიდობიანი გზით გადაჭრის მაგალითები. იმსჯელოს სოციალურ–პოლიტიკურ საკითხებზე – პოლიტიკური რეჟიმები, ლიდერის როლი და მნიშვნელობა და სხვა.

ამ მიზნების მისაღწევად საგაკვეთილო პროცესი იქნება აქტიური – დისკუსიებითა და პრეზენტაციებით გაჯერებული.


IX  კლასი

IX კლასში მოსწავლეები შეისწავლიან საქართველოს ძირითად საკითხებს უძველესი  დროიდან  დღემდე.

სასწავლო პროცესში განსაკუთრებული ყურადღება მიექცევა ისტორიული მოვლენების მიზეზების დამოუკიდებლად ახსნას და მისი შედეგების გაანალიზებას. ისტორიული პროცესის სხვადასხვა კუთხით დანახვას; ისტორიული წყაროების მოძიებას და მათ კრიტიკულ შეფასებას; ისტორიული თემის დაწერას; ისტორიულ თემაზე  გამართულ  დისკუსიებსა  და  დებატებს.

წლის განმავლობაში მოსწავლეები დაწერენ 4 შემაჯამებელ ტესტს და 2 მცირე მოცულობის პროექტს.