სკოლა XXI საუკუნის პირველი კურსდამთავრებული და მედალოსანი ანასტასია ნეფედოვა:
“დაწყებით კლასებში ვსწავლობდი თბილისის ერთ-ერთ საჯარო სკოლაში, რომლის დირექტორიც იმ დროს ქალბატონი ლამარა მარგველაშვილი გახლდათ.
მალე ქალბატონი ლამარას დიდი ძალისხმევითა და მონდომებით დაარსდა სკოლა XXI საუკუნე. მეც, რასაკვირველია, ამ სკოლაში განვაგრძე სწავლა. ეს არის სკოლა, სადაც შექმნილია ყველანაირი გარემო მოსწავლეების სწორი აღზრდისა და განათლებისათვის.
ბუნებრივია ამ სკოლაში სწავლამ დიდი გავლენა მოახდინა ჩემზე, ბევრი რამ მასწავლა, კერძოდ საქმისადმი ერთგულება, შრომის სიყვარული, დასახული მიზნისკენ სწრაფვა.
X კლასში განათლების სამინისტრომ, როგორც წარმატებულ მოსწავლეს, საჩუქრად გადმომცა კომპიუტერი.
სკოლის დამთავრების შემდეგ ჩავირიცხე ქალაქ თბილისის სახელმწიფო სამხატვრო აკადემიაში კინო-ტელე მხატვრობის ფაკულტეტზე 100%-იანი გრანტით.
ჩემი დიდი სურვილით და ამჟამინდელი დირექტორის მარიამ ქუთათელაძის ძალისხმევით, მეოთხე კურსის სტუდენტი დავბრუნდი მშობლიურ სკოლაში ხატვისა და ხელოვნების ისტორიის პედაგოგის ამპლუაში.
ამჟამად ვმუშაობ თიბისი ბანკის მარკეტინგის ლეგიონში და ვარ პროექტ „ქართული ქსოვილის“ ბრენდ მენეჯერი”.
